بے رحم شوہر نے بیوی اور بچی کو آگ لگادی

ناندیڑ: ۱۶؍اپریل (اعتمادنیوز)ناندیڑ شہر کے ہڈکو علاقہ میں ایک بے رحم شوہر نے اپنے بیوی اور اپنے ۱۰؍سالہ لڑکی کے جسم پر کیروسین چھڑ ک کر انہیں زندہ جلانے کی کوشش کی ۔ تفصیلات کے مطابق ہڈکو کے رہنے والے رتن ڈھولے (۳۵سال ) یہ اپنی بیوی اور بچی کے ساتھ امبیڈکر جینتی میں شریک ہونے کیلئے تیار ی کررہاتھا ۔ اسی دوران اننا پورنا بائی وہاں آئی تو اس نے اس کو غصہ کیا ۔ اور بیوی سے کہا کہ میرے گھر میں کیا



تمہارے باپ کی جاگیر رکھی ہوئی ہے ۔ انناپورنا بائی وہاں سے نکل کر چلی گئی مگر میاں بیوی کے درمیان بحث و تکرار ہوگئی ۔ غصہ میں رتن ڈھولے نے کیروسین کا ڈبہ نکال کر اپنی بیوی اور ۱۰؍سالہ بچی کے جسم پر کیروسین چھڑک کر انہیں آگ لگادی ۔ بیوی اور بچی بری طرح جھلسچکے ہے ۔ جنہیں ناندیڑ کے سرکاری دواخانہ میں شریک کیا گیا ہے ۔ کمسن لڑکی چیتنہ ڈھولے کی شکایت پر رتن ڈھولے کے خلاف اقدام قتل کا مقدمہ درج کیاگیا ہے ۔